Dipuku tša diswantšho ka Sepedi
Flip, Flippie le Bagwera ke tlhatlamano ya dipuku tša diswantšho ya dithuto tša pele tše di ka thakgatšago le go ruta bana ka moka ba Afrika Borwa. Dipuku tše di tshwantšheditšwe go hlohleletša bana go diriša tshwantšhokgoplo le boipshino mola thuto e le karolo ya maitemogelo. Bana ba ithuta ka go boeletša, kgahlego le go kgatha tema. Tlhatlamano ye e diriša metheo ka moka ya thuto gomme e tsebega kudu go boramapuku, barutiši le batswadi.
Ditlha le Flip, Flippie le Bagwera
Go Ditlha Flip o hlalosa bobotse le boipshino bja Ditlha tše nne mola go tsebagatšwa maina a dikgwedi tše lesomepedi mo ngwageng.
Malatodi le Flip, Flippie le Bagwera
Go Malatodi Flip o raloka papadi enngwe le Flippie le Bagwera ba gagwe gomme o ba hlohla gore ba hwetše diphere.
Ye e latelago e se kgale:
Maphelo le Flip, Flippie le Bagwera
Diponego tše bohlokwa tša tlhatlamano di akaretša:
- Ponagalo ya tlhagišo ya go kgahliša
- E lebantšwe go dihlopha tša go fapana tša mengwaga ye magareng ga (4 – 7)
- Tsenelelano ya diteng
- Di thuša tšwetšopele ya polelo le kgopolo
- Dipolelo tše fapanego di ka dirišwa bakeng sa thuto ya polelo ya bobedi le ya boraro ka mokgwa wo o sa tšhošego.
Lemoga: Dipuku tše di ka ba di diriša mmolelo wo o fapanego le wa babadi ba bangwe.